پنجاب بھر کے تعلیمی اداروں میں چھٹیوں کا اعلان

سماجی رابطے کی ویب سائٹ ٹویٹر پر اپنے پیغام میں ڈاکٹر مراد را س کا کہنا تھا کہ پنجاب بھر کے تمام سرکاری اور نجی تعلیمی اداروں میں موسم سرما کی چھٹیاں 23 دسمبر تا 6 جنوری تک رہیں گی۔ شہریوں سے اپیل کرتے ہوئے انہوں نے کہا کہ اپنی ویکسی نیشن کروائیں اور کورونا ایس او پیز پر عمل کریں.

ANNOUNCEMENT
All Public & Private Schools of Punjab to remain closed for winter vacation starting December 23rd, 2021 to January 6th, 2022. Please get vaccinated and follow SOPs issued by the government.

— Murad Raas (@DrMuradPTI) December 17, 2021

قبل ازیں لاہور ہائیکورٹ کے جسٹس شاہد کریم نے ہارون فاروق سمیت دیگر کی درخواستوں پر سماعت کی، جس میں نشاندہی کی گئی کہ سموگ پر قابو پانے کیلئے ٹھوس اور موثر اقدامات نہ کرنے کی نشاندہی کی گئی. عدالتی احکامات پر ایڈیشنل ایڈووکیٹ جنرل نے عدالت میں پیش ہوکر بتایا کہ پنجاب حکومت تعلیمی ادارے 23 دسمبر سے جنوری کے پہلے ہفتے تک بند کرنے پر تیار ہے. یاد  رہےوفاقی وزیر اسد عمر کی زیر صدارت نیشنل کمانڈ اینڈ آپریشن سنٹر میں منعقدہ اجلاس میں فیصلہ کیا گیا تھا کہ موسم سرما کی تعطیلات 3 جنوری سے کی جائیں، یہ فیصلہ تعلیمی اداروں میں جاری ویکسی نیشن مہم کے باعث کیا گیا تھا۔ تاہم زیادہ ماحولیاتی آلودگی کے پیش نظر تعلیمی اداروں کی بندش کا اختیار صوبوں کو سونپ دیا گیا تھا۔ہائیکورٹ میں ایک کیس کی سماعت کے دوران پنجاب حکومت نے سکولوں کو 23 دسمبر کو بند کرنے پرآمادگی ظاہر کی تھی۔