جی این این سوشل

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

این ڈی ایم اے نے جولائی میں مون سون ہواؤں کی پیش گوئی کردی

این ڈی ایم اے کے مطابق جولائی پہلے اور دوسرے ہفتے میں لاہور، سرگودھا ، فیصل آباد اورگوجرانوالہ اور اسلام آباد کے اضلاع میں مختلف مقامات پر پندرہ سے پچاس ملی میٹر بارش کا امکان ہے

Published by Web Desk

پر شائع ہوا

کی طرف سے

قدرتی آفات سے نمٹنے کے ادارے نے آئندہ ماہ سے ملک کے مختلف حصوں میں مون سون بارشوں کے حوالے سے جامع پیشن گوئی جاری کردی ہے۔

این ڈی ایم اے کے مطابق جولائی پہلے اور دوسرے ہفتے میں لاہور، سرگودھا ، فیصل آباد اورگوجرانوالہ اور اسلام آباد کے اضلاع میں مختلف مقامات پر پندرہ سے پچاس ملی میٹر بارش کا امکان ہے ۔

ادھر مردان، مالاکنڈ اورخیبرپختونخوا کے ہزارہ ڈویژن کے مختلف مقامات پرجولائی کے تیسرے ہفتے میں بارش کا امکان ہے جبکہ گلگت بلتستان کے استور ضلع میں اور آزادکشمیر کے مختلف مقامات پر جولائی کے آخری ہفتے میں شدید بارش ہوگی جس سے ندی نالوں میں شدید طغیانی کا خدشہ ہے میرپورخاص، کراچی ، حیدرآباد، نواب شاہ ، لاڑکانہ اور ضلع سکھر میں آئندہ ماہ تیس سے پچھہتر ملی میٹر بارش کا امکان ہے ۔

این ڈی ایم اے نے قدرتی آفات سے نمٹنے کے صوبائی اداروں ، ضلعی حکام اور دیگر متعلقہ محکموں کو ہدایت کی ہے کہ وہ چوکنا رہیں اور کسی بھی ہنگامی صورتحال سے نمٹنے کیلئے تیار رہیں۔

پڑھنا جاری رکھیں

پاکستان

شہباز شریف کی معیشت کو ڈیجیٹائز کرنے میں گیٹس فاؤنڈیشن کی معاونت کی تحسین

انہوں نے صحت ، ماحولیاتی تبدیلی سے بچائو اور پولیو کے خاتمے سے متعلق بھی حکومتی کاوشیں اجاگر کیں

Published by Web Desk

پر شائع ہوا

کی طرف سے

وزیراعظم محمد شہبازشریف نے ملکی معیشت کو دستاویزی شکل دینے اور ڈیجیٹلائزیشن میں حکومتی اقدامات کی معاونت پر گیٹس فاونڈیشن کو سراہا ہے ۔

پیر کے روز اسلام آباد میں گیٹس فاونڈیشن کے سربراہ بل گیٹس کے ساتھ ملاقات میں وزیراعظم نے معاشی استحکام کے سلسلے میں حکومتی اقدامات سے آگاہ کیا۔

انہوں نے صحت ، ماحولیاتی تبدیلی سے بچائو اور پولیو کے خاتمے سے متعلق بھی حکومتی کاوشیں اجاگر کیں۔

وزیراعظم نے کہاکہ معیشت کی ڈیجیٹلائزیشن سے گورننس میں بہتری آئے گی اور حکومت زیادہ وسائل لوگوں کی فلاح وبہبود پر خرچ کرسکے گی۔انہوں نے کہاکہ حکومت پاکستان اورگیٹس فائونڈیشن کے مقاصد ایک ہیں جن میں صنفی تفاوت کا خاتمہ ، صحت کی سہولیات بڑھانا اور غذائی تحفظ شامل ہیں۔بل گیٹس نے ملک سے پولیو کے خاتمے کیلئے وزیراعظم کی مسلسل جذبے اور ذاتی دلچسپی پران کا شکریہ اداکیا ۔بل گیٹس نے اس بات کو اجاگر کیاکہ ملک بھر میں پاکستانیوں کی زندگیوں کو بہتر بنانے میں ڈیٹا سائنس TOOPS اور ڈیجیٹل ٹیکنالوجی کتنے اہم ذرائع ہیں۔

پڑھنا جاری رکھیں

جرم

لاہور بورڈ کے مارکنگ سینٹر سے امتحانی پرچوں کا بنڈل مبینہ طور پر غائب

میڈیا رپورٹس کے مطابق مارکنگ سینٹر سے سوشیالوجی پارٹ ون کے پیپرز کا بنڈل غائب ہوگیا جس میں 52 طلبہ کے پیپرز تھے

Published by Web Desk

پر شائع ہوا

کی طرف سے

لاہور: بورڈ آف انٹرمیڈیٹ اینڈ سیکنڈری ایجوکیشن (BISE) لاہور کے مارکنگ سینٹر سے امتحانی پرچوں کا بنڈل مبینہ طور پر غائب کردیا گیا ۔

میڈیا رپورٹس کے مطابق مارکنگ سینٹر سے سوشیالوجی پارٹ ون کے پیپرز کا بنڈل غائب ہوگیا جس میں 52 طلبہ کے پیپرز تھے۔


یہ بھی بتایا گیا ہے کہ دو روز قبل امتحانی پرچے غائب ہونے کی شکایت سامنے آئی تھی، جس کی انکوائری کی جا رہی ہے۔

رپورٹس کے مطابق بنڈل کی چوری نے محکمہ امتحانات کی رازداری پر سوالات کھڑے کر دیے ہیں۔


دوسری جانب پنجاب ٹیچرز یونین کا کہنا ہے کہ اساتذہ نے معاملے کی آزادانہ تحقیقات کا مطالبہ کیا ہے۔ تحقیقات کے لیے محکمہ تعلیم کے باہر سے انکوائری افسر تعینات کیا جائے۔

پڑھنا جاری رکھیں

ٹرینڈنگ

Take a poll