جی این این سوشل

ضمانت منظور #gnn #azamswati #bail #news #breaking #latest #video #update

10967 لوگوں نے یہ ویڈیو دیکھی ہے

جی این این میں ویڈیو ڈیسک آپ کو روزانہ کی تازہ ترین سرخیاں ، شوز ، پروگرام ، ایونٹس اور بہت کچھ فراہم کرے گا جب آپ اسے دیکھنا چاہتے ہیں۔

پاکستان

سینیئر جج جسٹس اشتیاق ابراہیم قائم مقام چیف جسٹس پشاور ہائیکورٹ تعینات

صدر زرداری نے آئین کے آرٹیکل 196 کے تحت جسٹس اشتیاق ابراہیم کی بطور قائم مقام چیف جسٹس ہائیکورٹ تعیناتی کی منظوری دی

Published by Nouman Haider

پر شائع ہوا

کی طرف سے

پشاور ہائیکورٹ کے سینیئر جج جسٹس اشتیاق ابراہیم کو قائم مقام چیف جسٹس پشاور ہائیکورٹ تعینات کردیا گیا جبکہ صدر آصف علی زرداری نے سندھ ہائیکورٹ میں 6 ایڈیشنل ججز کا تقرر بھی کردیا، جس کا نوٹیفکیشن جاری کردیا گیا۔

وزارت قانون کی جانب سے جاری کیے گئے نوٹیفکیشن کے مطابق جسٹس اشتیاق ابراہیم کو قائم مقام چیف جسٹس پشاورہائیکورٹ تعینات کردیا گیا۔

صدر مملکت آصف علی زرداری نے آئین کے آرٹیکل 196 کے تحت جسٹس اشتیاق ابراہیم کی بطور قائم مقام چیف جسٹس ہائیکورٹ تعیناتی کی منظوری دی۔

نوٹیفیکیشن کے مطابق، جسٹس اشتیاق ابراہیم کو پارلیمانی کمیٹی کی منظوری کے بعد پشاور ہائیکورٹ کا مستقل چیف جسٹس تعینات کیا جائے گا۔

واضح رہے کہ 30 سال تک عدلیہ میں اپنی خدمات سرانجام دینے کے بعد چیف جسٹس پشاور ہائیکورٹ جسٹس محمد ابراہیم خان 14 اپریل کو اپنے عہدے سے سبکدوش ہو رہے ہیں جبکہ حال ہی میں انہوں نے اپنی مدت ملازمت کے دوران سپریم کورٹ کے لیے اپنا نام زیر غور نہ آنے پر نہایت سلیقے سے شکوہ کا اظہار کی تھا۔

پڑھنا جاری رکھیں

تجارت

ایشیائی ترقیاتی بینک کی رپورٹ حکومت کی مضبوط معاشی پالیسیوں کی توثیق ہے، احد چیمہ

وزیراعظم شہباز شریف کی قیادت میں مستحکم اور پائیدار معیشت کے لیے کام شروع ہو چکا ہے، وفاقی وزیر اقتصادی امور

Published by Nouman Haider

پر شائع ہوا

کی طرف سے

وفاقی وزیر اقتصادی امور احد چیمہ نے ایشیائی ترقیاتی بینک (اے ڈی بی) کی ایشین ڈویلپمنٹ آوٹ لْک رپورٹ اپریل 2024 کو حکومت کی درست اقتصادی پالیسیوں کی توثیق قرار دیتے ہوئے کہا کہ ملک میں مہنگائی کم ہو رہی ہے، اس کی تصدیق عالمی مالیاتی ادارے بھی کر رہے ہیں۔

وفاقی وزیر برائے اقتصادی امور احد چیمہ نے کہا کہ ایشیائی ترقیاتی بینک (اے ڈی بی) کی آؤٹ لک رپورٹ حکومت کی مضبوط معاشی پالیسیوں کی توثیق ہے۔اے ڈی بی کی رپورٹ میں پاکستان کی معیشت کے بارے میں مثبت امکانات کا اظہار کیا گیا ہے۔

انہوں نے کہا کہ وزیراعظم شہباز شریف کی قیادت میں مستحکم اور پائیدار معیشت کے لیے کام شروع ہو چکا ہے۔ اس کی تصدیق بین الاقوامی مالیاتی اداروں نے بھی کی ہے کہ ملک میں مہنگائی کم ہو رہی ہے۔ مالیاتی نظم و ضبط کو بہتر بنانے اور سرمایہ کاری کے فروغ کے لیے کام کر رہے ہیں۔

احد چیمہ نے کہا کہ پاکستان کا زرعی شعبہ مضبوط ہے اور اس میں اضافی ترقی کی صلاحیت موجود ہے، حکومت ایشیائی ترقیاتی بینک کی سفارشات پر عمل کرنے کے لئے پرعزم ہے۔ ہم ایک ایسی معیشت بنانے کے لئے کام جاری رکھیں گے جس میں تمام پاکستانیوں کے لئے مواقع دستیاب ہوں۔

واضح رہے کہ ایشیائی ترقیاتی بینک نے ایشین ڈویلپمنٹ آوٹ لْک رپورٹ اپریل 2024ء جاری کی ہے، ایشیائی ترقیاتی بینک نے پاکستان کے لئے اقتصادی اصلاحات کو اہم قرار دیا ہے اور رواں مالی سال کے دوران پاکستان کی شرح نمو 1.9 فیصد رہنے کی توقع کا اظہار کیا ہے۔

آئوٹ لک رپورٹ میں پاکستان کی آئندہ مالی سال کے لئے شرح نمو 2.8 فیصد ہونے کا تخمینہ  لگایا  گیا  ہے۔ رپورٹ کے مطابق پاکستان میں آئندہ مالی سال کے دوران مہنگائی میں مزید کمی آنے کی امید ہے جبکہ مہنگائی کی شرح 15 فیصد تک آ جائے گی۔

پڑھنا جاری رکھیں

پاکستان

موجودہ حکومت فارم 47 کی بیساکھیوں پر آئی ہے، عمر ایوب

سائفر کیس تو اپنی موت آپ مر رہا ہے، رہنما پی ٹی آئی

Published by Nouman Haider

پر شائع ہوا

کی طرف سے

پی ٹی آئی رہنما اور اپوزیشن لیڈر عمر ایوب نےکہا کہ موجودہ حکومت فارم 47 کی بیساکھیوں پر آئی ہے،سائفر کیس تو اپنی موت آپ مر رہا ہے۔

پریس کانفرنس کے دوران عمرایوب نے بتایا کہ پی ٹی آئی پنجاب میں تین جلسے کرئے گی، اپوزیشن اتحاد کا کل پشین ،چمن میں جلسہ ہوگا، موجودہ حکومت فارم 47کے بیساکھیوں پر آئی ہے،27اپریل کو کراچی میں جلسہ کریں گے۔

عمرایوب کا کہنا تھا کہ تحریک انصاف کو دیوار سے لگایاگیا، بانی پی ٹی آئی کو جیل میں ڈالا گیا، سائفر کیس تو اپنی موت آپ مر رہا ہے۔

عمرایوب نے کہا کہ چئیرمین پی ٹی آئی پر بوگس کیسز بنائے گئے، عمران خان، شاہ محمود قریشی سمیت دیگر رہنماؤں کو جیل میں ڈالا گیا، میں خود بھی روپوش رہا، جو لوگ کہتے تھے کہ پارٹی ختم ہوجائےگی، یہ ان کی خام خیالی تھی۔ اس وقت ملک میں پی ڈی ایم ٹو کی حکومت ہیں آج پاکستان میں آئین و قانون کا فقدان ہے.

پریس کانفرنس کے دوران عمرایوب کا مزید کہنا تھا کہ ہائیکورٹ کےججز کودباؤمیں لانےکی کوشش کی گئی ہم ریاست مدینہ کا قیام چاہتے ہیں۔ قانون پرعمل ہوگاتوسرمایہ کاری بھی سامنےآئی گی۔

پڑھنا جاری رکھیں

ٹرینڈنگ

Take a poll