پاکستان پیپلز پارٹی نے میئر کراچی کے الیکشن کیلئے  چیئر مین، ڈپٹی چیئر مین، میئر اور ڈپٹی میئر کیلئےامیدواروں کا اعلان کر دیا۔

پاکستان پیپلز پارٹی سندھ کے صدر نثار کھوڑو  نے پریس کانفرس کرتے ہوئےمیئر کراچی کے الیکشن کیلئےامیدواران کا اعلان کیا۔ ان کا کہنا تھا کہ میں ان لوگوں کا سوچ رہا ہوں جو ایک سال سے انتظار کر رہے تھے،ڈیلے ہوتے رہے اور انتظار کرتے رہے۔ سندھ میں لگ بھگ 16 سو ٹائون کمیٹیز اور میونسپل کمیٹیز ہیں،مخصوص نشستوں کا معاملہ تھا وہ بھی ہوا۔

چیئر مین ضلع کونسل کیلئے گل محمد جھکرانی پیپلز پارٹی کے امیدوار ہونگے۔ چیئر مین ضلع کونسل قمبرشہداد کوٹ کیلئے قمر الدین گوپانک پی پی کے امیدوار ہونگے، اسران کو  وائس چیئر مین کا امیدوار نامزد کیا گیا ہے۔

چیئر مین ضلع کونسل شکارپور کیلئےذولفقار کماریو پیپلز پارٹی کے امیدوار ہونگے، اس کے  ساتھ کامران وائس چیئر مین کیلئے نامزد امیدار ہونگے۔چیئر مین ضلع کونسل جیکب آباد کیلئےطاہر کھوسو پیپلز پارٹی کے امیدوار ہونگے،وائس چیئر مین کیلئےرضوان اڈھو نامزد امیدوار ہیں۔

ڈسٹرکٹ کونسل لاڑکانہ میں چیئر مین اعجاز لغاری اور اسد اللہ بھٹو وائس چیئرمین ہونگے۔ لاڑکانہ سٹی کارپوریشن کے میئر کیلئے محمد انور لوہر کو نامزد کیا گیا ہے۔کندھکوٹ سے چیئرمین کے لئے میر راشد اور  شیر محمد وائس چیئرمین کے امیدوار ہیں ۔

میونسپل کمیٹی قمبر کے چیئر مین کیلئےریحان چانڈیو کو امیدوار نامزد کیا گیا ہے جبکہ وائس چیئر مین کے لئے نور محمد بروہی کو امیداور نامزد کیا گیاہے۔

پیپلز پارٹی کے رہنما کا کہنا تھا کہ چیئرمین بلاول بھٹو زرداری کے شکر گزار ہیں انہوں نے ایک نئی چیز متعارف کروائی ہے، بلاول بھٹو زرداری نے یوتھ ، معذور کے ساتھ ساتھ ٹرانسجینڈر کی بھی نمائندگی رکھی ہے۔ایک ماہ کی کوشش اور مشاورت کے بعد یہاں پہنچے ہیں۔آج پاکستان میں دیکھیں تو کے پی کے، بلوچستان میں بھی الیکشن فیزز میں ہوا اور سندھ میں ہوا،15 جون کو میئر کا بھی انتخاب ہو جائے گا لیکن ایک صوبہ ہے جہاں الیکشن نہیں ہوا۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت ایک ہزار روپے کمی کے بعد 2 لاکھ 30 ہزار 400 روپے ہو گئی ہے۔

دس گرام سونا بھی 857 روپے کمی کے بعد ایک لاکھ 97 ہزار 531 روپے کا ہو گیا ہے۔

لاہور کی انسداددہشتگردی عدالت نے پاکستان تحریک انصاف کے رہنما میاں محمودالرشیدکو جوڈیشل ریمانڈپرجیل بھیج دیا۔

پولیس نے پی ٹی آئی کے رہنما میاں محمود الرشید کا ریمانڈ مکمل ہونے پر انہیں انسداد دہشتگردی کی عدالت میں پیش کیا جہاں دوران سماعت پولیس نے میاں محمود الرشید کے جسمانی ریمانڈ کی استدعا کی۔ پولیس کے تفتیشی افسر نے عدالت میں کہا کہ میاں محمود الرشید سے تھانہ نصیرآباد کے مقدمے میں تفتیش کرنی ہے، ان پر کلمہ چوک میں کنٹینر جلانے کا الزام ہے۔

اس موقع پر میاں محمود نے عدالت میں کہا کہ مجھے ایک کے بعد دوسرے مقدمے میں گرفتار کیاجارہا ہے، تمام مقدمات میں مجھے بدنیتی کی بنیاد پرملوث کیا گیا۔

بعد ازاں عدالت نے پولیس کی جانب سے جسمانی ریمانڈ کی استدعا مسترد کرتے ہوئے میاں محمود الرشید کو جوڈیشل ریمانڈ پر جیل بھیج دیا۔