تفصیلات کے مطابق فیصل آباد، راولپنڈی ، پشاور چلنے والی رحمان بابا ایکسپریس 3 گھنٹے40 منٹ تاخیر کا شکار ہوگئیں ، کراچی سے لاہور آنے والی پاک بزنس ایکسپریس 3 گھنٹے 30منٹ، کراچی سے لاہور آنے والی علامہ اقبال ایکسپریس 3 گھنٹے جبکہ کراچی سے لاہور آنے والی کراچی ایکسپریس بھی 3 گھنٹے تاخیر کا شکار ہوئی۔

کوئٹہ سے لاہور آنے والی جعفر ایکسپریس 3 گھنٹے، کراچی سے لاہور آنے والی شاہ حسین ایکسپریس 3 گھنٹے، کراچی سے لاہور آنے والی تیزگام ایکسپریس2 گھنٹے 40منٹ، کراچی سے لاہور آنے والی گرین لائن ایکسپریس 2 گھنٹے، کراچی براستہ فیصل آباد ملکوال چلنے والی ملت ایکسپریس بھی 2 گھنٹے تاخیر کا شکار ہوئی۔

راچی سے لاہور آنے والی عوام ایکسپریس 2 گھنٹے، کراچی براستہ فیصل آباد راولپنڈی چلنے والی پاکستان ایکسپریس ایک گھنٹہ40منٹ اور کراچی سے لاہور آنے والی خیبر میل ایکسپریس ایک گھنٹہ 30منٹ تاخیر کا شکارہوئی۔

ترجمان ریلوے کے مطابق مسافروں کو بہترین سہولیات فراہم کرنے کی کوشش کر رہے ہیں،  کرائے کم ہونے کی وجہ سے ٹرینوں میں رش بھی زیادہ ہے، مسافروں کی سیفٹی پہلی ترجیح ہے۔

پی ٹی آئی چئیرمین نے ٹوئٹر پر اپنے آفیشل اکونٹ پر لکھا کہ  قانونی برادری سے پوچھنا چاہتا ہوں کہ کیا ملک میں بنیادی انسانی حقوق نہیں رہے؟
شہبازگل کے اسسٹنٹ کی اہلیہ کو خواتین پولیس تھانے میں رکھا گیا ہے، غیر ملکی حمایت یافتہ امپورٹڈ حکومت پنجاب ضمنی الیکشن میں شکست کے بعد بوکھلا گئی ہے۔

Strongly condemn fascist illegal abductions in shadows of late night of Aamad Yusuf & now Shahbaz Gill's assistant Izhaar's wife, who is now incarcerated in women police station. I want to ask our legal community are there no fundamental right anymore?

— Imran Khan (@ImranKhanPTI) August 11, 2022

امپورٹڈ حکومت مقبولیت کے لیے میڈیا اور عوام میں خوف اور دہشت کا سہارا لے رہی ہے،  تمام مسائل کا واحد حل منصفانہ اور آزادانہ انتخابات ہیں۔ دوسری جانب رہنما تحریک انصاف  اسد عمر کا کہنا ہے کہ شہباز گل کے ڈرائیور کی بیوی کو پولیس اٹھا کر تھانے لے گئی ہے. یہ تو بلکل ہی بوکھلا گئے. ویسے وہ سب انسانی حقوق اور جمہوریت کے چیمپئن کہاں ہیں؟

شہباز گل کے ڈرائیور کی بیوی کو پولیس اٹھا کر تھانے لے گئ ہے. یہ تو بلکل ہی بوکھلا گئے. ویسے وہ سب انسانی حقوق اور جمہوریت کے چیمپئن کہاں ہیں؟

— Asad Umar (@Asad_Umar) August 11, 2022

رہنما پی ٹی آئی فواد حسین نے اسلام آباد پولیس کی ٹوئٹ کو ری ٹوئٹ کرتے ہوئے لکھا کہ جنگوں میں بھی عورتوں بچوں کو ہاتھ نہیں لگاتے،  اس فاشسٹ حکومت نے انتقام اور ظلم میں ہر حد عبور کر لی ہے، پچیس مئی کو یہ سلسلہ شروع ہوا اور اب ایک نئے مرحلے میں ہے، کوئی نہیں یہ وقت بھی گزر جائے گا۔

وزیر اعلیٰ پنجاب کے ترجمان فیاض الحسن چوہان نے پریس کانفرنس کرتے ہوئے کہا کہ امپورٹڈ حکومت اور آل شریف سیاست میں ناکام طوفان اٹھانے کی کوشش کر رہے ہیں اور ریاستی اداروں کے خلاف زبان استعمال کرنے والے آج پی ٹی آئی کے خلاف بات کر رہے ہیں۔

انہوں نے کہا کہ امریکہ کی مشہور و معروف جرنلسٹ نے کتاب میں نواز شریف کی حقیقت لکھی ہے جبکہ لوٹ مار ایسوسی ایشن کے کئی ویڈیو کلپ اداروں کے خلاف بولنے کے موجود ہیں لیکن آج یہ ہاتھ میں تسبیح پکڑ کر حاجی بن گے ہیں۔

فیاض الحسن چوہان نے کہا کہ ن لیگ کی ملازمہ الزام لگاتی ہیں کہ پی ٹی آئی کی وجہ سے یہ حالات ہیں جبکہ ملک میں سب سے زیادہ ٹیکس ہمارے دور میں اکٹھا ہوا۔ کیا ملک کی تاریخ میں ایکسپورٹ میں سب سے زیادہ اضافہ ہونا نااہلی ہے؟

سیلاب متاثرین کی ریلیف سے متعلق بات کرتے ہوئے انہوں نے کہا کہ عیسی خیل میں آنے والے سیلابی ریلے میں جاں بحق افراد کے لواحقین کے لیے 8 لاکھ روپے کا اعلان کیا ہے۔

انہوں نے کہا کہ پنجاب میں پارکنگ مافیا پرسر پیکار تھا اور ن لیگ والے اپنی حکومت میں کارکنوں کو پارکنگ کے ٹھیکے دے کر لوٹ مار کرتے تھے تاہم وزیر اعلیٰ پنجاب پرویز الہٰی نے فیصلہ کیا ہے کہ اب پارکنگ مافیا کو پنپنے نہیں دیا جائے گا۔

ترجمان وزیر اعلیٰ پنجاب نے کہا کہ حمزہ شہباز کی حکومت پرفارم کچھ نہیں کر رہی تھی بلکہ تاجروں پر پابندیاں لگا رہی تھی لیکن وزیر اعلی پرویز الہٰی نے تاجروں پر تمام پابندیاں ختم کرنے کا اعلان کر دیا ہے اور تمام اضلاع سے پارکنگ فیس کو بھی ختم کرنے کا فیصلہ کر لیا ہے۔