نان فائلرز کی نقد رقم نکالنے کی حد بڑھا کر 75 ہزارکرنے کا فیصلہ

ویب ڈیسک: نان فائلرز کی نقد رقم نکالنے کی حد بڑھانے کا فیصلہ کر لیا گیا۔

تفصیلات کے مطابق حکومت نے درمیانی آمدنی والے بینک صارفین کو ریلیف فراہم کرنے کے مقصد سے، نان فیلرز کے لیے نقد رقم نکالنے کی حد 50 ہزار روپے سے بڑھا کر 75 ہزار روپے کرنے کا فیصلہ کیا ہے۔

تاہم مالی سال 2025-26 کے لیے نظرثانی شدہ بجٹ تجاویز کے تحت نئی حد سے زیادہ رقم نکالنے پر 0.8فیصد کا زیادہ ایڈوانس ٹیکس لاگو ہوگا، جو موجودہ سال کے 0.6 فیصد سے زیادہ ہے۔

 یہ فیصلہ قومی اسمبلی کی مالیاتی کمیٹی کی منظوری حاصل کر چکا ہے۔