"مکہ مکرمہ کا ایسا رخ آج تک کسی نے نہیں دیکھا ہو گا"

مکہ مکرمہ : مکہ مکرمہ کی تصویر سوشل میڈیا پر وائرل ہو گئی۔

تفصیلات کے مطابق خلیجی خبر رساں ادارے عرب نیوز کی جانب سے مسلمانوں کے مقدس ترین شہر مکہ مکرمہ کی ایک ایسی تصویر جاری کی گئی جو دیکھتے ہی دیکھتے سوشل میڈیا پر وائرل ہو گئی، دنیا بھر کے کروڑوں مسلمانوں کی توجہ کا مرکز بن گئی۔ 

عرب نیوز کی جانب سے جاری کی گئی تصویر کے ساتھ تحریر کیا گیا "مکہ مکرمہ کا ایسا رخ آج تک کسی نے نہیں دیکھا ہو گا"۔ 

جاری تصویر مسجد الحرام سے بہت دور، مکہ مکرمہ کے ایک نواحی علاقے کی ہے، جہاں ایک گلی میں کچھ بچے بیٹھے دیکھے جا سکتے ہیں، جبکہ پس منظر میں بلند و بالا مکہ کلاک ٹاور بھی نظر آ رہا ہے۔ تصویر کیلئے ناصرف سوشل میڈیا صارفین، خاص کر مسلمانوں کی جانب سے خوب پسندیدگی کا اظہار کیا گیا ہے۔

واضح رہے کہ مکہ مکرمہ ناصرف تاریخی اعتبار سے بلکہ مذہبی اعتبار سے بھی دنیا کا سب سے اہم اور مقدس ترین شہر ہے۔ مکہ مکرمہ دنیا کے کروڑوں مسلمانوں کو اپنی جان سے بھی عزیز ہے، جہاں اللہ کے گھر خانہ کعبہ ہر سال لاکھوں مسلمان فریضہ حج اور کروڑوں مسلمان عمرہ ادائیگی کیلئے پہنچتے ہیں۔