کک باکسنگ کے سابق عالمی چیمپئین کورونا سے جاں بحق

رپورٹ کے مطابق فریڈ سینسٹرا نے کورونا کو معمولی وائرس قرار دے کر خود کو اسپتال سے ڈسجاچ کروالیا تھا، 41 سالہ فریڈ سینسٹرا گھر میں ہی اپنا علاج کروارہے تھے۔ اسپتال سے فارغ ہونے کے بعد، ہیوی ویٹ چیمپئین گھر میں بھی آکسیجن لیتے رہے۔

جہاں ان کو مزید مشکلات کا سامنا کرنا پڑا، رپورٹ کے مطابق وہ اسپتال بھی اپنے کوچ کے مجبور کرنے پر داخل ہوئے تھے۔

فریڈ سینسٹرا تین مرتبہ کک باکسنگ کے عالمی ٹائیٹل جیت چکے تھے۔

ہیوی ویٹ چیمپئین کی موت کی اطلاع ان کی بیگم نے سوشل میڈیا کے ذریعے کی۔ انہوں نے لکھا کہ میں دل کی گہرائیوں سے اس مشکل وقت میں ساتھ دینے والوں کا شکریہ ادا کرتی ہوں، ان کے شوہر ایک بڑے دل کے مالک تھے جو اب اس دنیا میں نہیں رہے۔