مہنگے موبائل فون رکھنے والے شوقین افراد کیلئے بری خبر

تفصیلات کے مطابق  فنانس ترمیمی بل 2021 میں موبائل فون مزید مہنگے ہوگئے ہیں ، مہنگے موبائل پر رعایتی فکسڈ ٹیکس ختم کرکے 17 فیصد سیلز ٹیکس عائد کردیا گیا۔ صرف 30 سے  200 ڈالر مالیت کے موبائل پر ٹیکس میں کوئی تبدیلی نہیں۔ دستاویز کے مطابق اب 200 سے  350 ڈالر کے موبائل پر  17 فیصد سیلز ٹیکس عائد کردیا گیا، پہلے 200 سے 350  ڈالرمالیت کے موبائل پر 1750 روپے ٹیکس تھا۔

دستاویز کے مطابق 351 سے  500 ڈالرمالیت کے موبائل فون پر 17 فیصد سیلز ٹیکس عائد،  پہلے 351 سے 500 ڈالرمالیت کے موبائل پر  5400 روپے فکس ٹیکس تھا،  501 ڈالر یا زائد مالیت کے موبائل پر 17 فیصد سیلز ٹیکس عائد کردیا گیا، پہلے 501 ڈالر یا زائد مالیت کے موبائل پر 9270 روپے ٹیکس تھا جبکہ  اب 1300 ڈالر کے موبائل پر 9270 کی بجائے  42000 روپے ٹیکس ہوگا۔