وزیراعظم کی سمندرپارپاکستانیوں کیلئے ایک ماہ کے اندرجامع پالیسی بنانے کی ہدایت 

تفصیلات کے مطابق  وزیراعظم عمران خان سے معاون خصوصی برائے اوورسیزپاکستانیزسید طارق الحسن کی ملاقات ہوئی ہے، ملاقات میں بیرون ملک مقیم پاکستانیوں کی سہولیات سے متعلق امور پر تبادلہ خیال کیا گیا ہے۔ وزیراعظم نے سمندرپارپاکستانیوں کےلیے ایک ماہ کے اندرجامع پالیسی بنانے کی ہدایت کردی ہے۔

وزیر اعظم عمران خان نے کہا کہ  سمندرپارپاکستانی ملک کا قیمتی اثاثہ ہیں، 90 لاکھ سمندرپارپاکستانیوں کوزیادہ سے زیادہ خدمات کی فراہمی یقینی بنائی جائے۔ وزیراعظم عمران خان نے ہدایت جاری کی کہ  سمندرپارپاکستانیوں کوایک ہی چھت تلےمختلف خدمات کی فراہمی کے لیے 8 سینٹرزقائم کیےجائیں۔