عالمی اور مقامی مارکیٹوں میں سونے کی قیمت میں بڑی کمی،فی تولہ کتنے کا ہو گیا؟

کراچی: مسلسل تیزی کے بعد عالمی و مقامی مارکیٹوںسونے اور چاندی کی قیمت میں ہزاروں روپےکمی ریکارڈ کی گئی۔

آل پاکستان جیمز اینڈ جیولر زایسوسی ایشن کے مطابق کاروباری ہفتے کے چوتھے روز ملک میں ایک تولہ سونا کی قیمت 3700 روپے  کمی کےبعد4 لاکھ 82 ہزار 462 روپے کی سطح پر آگئی۔

ایسوسی ایشن کے مطابق اسی طرح دس گرام سونا 3172 روپےسستا ہوکر 4 لاکھ 13 ہزار 633 روپےکاہوگیاجبکہ ایک تولہ چاندی کی قیمت150 روپے کمی کے بعد 9425 روپے ہو گئی۔

علاوہ ازاں فی تولہ چاندی کی قیمت 150 روپے کی کمی سے 9 ہزار 425 روپے اور فی دس گرام چاندی کی قیمت بھی 129 روپے کی کمی سے 8 ہزار 80 روپے کی سطح پر آگئی ہے۔

دوسری جانب عالمی مارکیٹ میں سونا 37 ڈالر سستا ہوکر 4601 ڈالر فی اونس تک پہنچ گیا۔