اسٹاک ایکسچینج کی 45000پوائنٹس کی نفسیاتی حدبھی گر گئی

تفصیلات کے مطابق   اسٹاک مارکیٹ میں کاروبار کا اختتام ، کاروباری ہفتے کے دوسرے روز مندی کا رجحان رہا۔کاروبار کے اختتام پر انڈیکس میں 828  پوائنٹس کی کمی ہوئی جس کے بعد انڈیکس میں  45 ہزار کی نفسیاتی حد گرگئی۔100 انڈیکس 1.84 فیصد کمی سے 44222کی سطح پر بند ہوا۔بازار میں 23.38ارب روپے مالیت کے 49.14 کروڑ شئیرز کا کاروبار کیا گیا۔

ملک بھر میں سونے کی فی تولہ قیمت 500 روپے اضافے کے بعد ایک لاکھ 3 ہزار  روپے ہوگئی ہے جبکہ 10 گرام سونے کی قیمت 428 روپے اضافے کے بعد 88 ہزار 305 روپے ہوگئی ہے، جبکہ عالمی صرافہ مارکیٹ میں سونا 10 ڈالر اضافے سے 1703 ڈالرز فی اونس کا ہوگیا ہے۔

اس کے علاوہ چاندی کی قیمت 1320 روپے فی تولہ ہے  جبکہ 10 گرام چاندی کی قیمت 1131روپے ہے۔