فرانسیسی سیاست دان اولیویر ڈاسالٹ ہیلی کاپٹر حادثے میں جاں بحق

 تفصیلات کےمطابق فرانسیسی صدر ایمانویل میکروں نے سماجی رابطوں کی ویب سائٹ  ٹویٹر پر کہا ہے کہ فرانسیسی سیاستدان اولیویر ڈاسالٹ ہیلی کاپٹر کے حادثے میں فوت ہوگئے۔ 69 سالہ ڈاسالٹ صنعتکار اور سرج ڈاسالٹ کے بڑے بیٹے تھے۔

میکروں نے ٹویٹر پر کہا اولیور ڈاسالٹ فرانس سے محبت کرتے تھے وہ ایک کاروباری ٹائکون ، ایک قانون ساز ، ایک مقامی منتخب عہدیدار اور فضائیہ میں ایک ریزرو کمانڈر  تھے . ان کی اچانک موت ایک بہت بڑا نقصان ہے۔ ہمارے دل و دماغ انکے کنبے اور پیاروں کے ساتھ ہیں۔

پولیس ذرائع نے بتایا کہ نجی ہیلی کاپٹر اتوار کی سہ پہر نورمنڈی میں گر کر تباہ ہوا۔فوربز میگزین کی 2020 کے لئے دنیا کے سب سے امیر لوگوں کی فہرست کے مطابق 2002 سے قدامت پسند ریپبلکن قانون ساز ڈاسالٹ اپنے دونوں بھائیوں اور بہن کے ساتھ اس فہرست میں 361 نمبر پرتھے۔