نامور ٹی وی آرٹسٹ مسعود اختر کی طبیعت ناساز

جی این این کے مطابق  مسعود اختر کی طبیعت بگڑنے پر انہیں گنگا رام ہسپتال لے  جایا گیا ہے۔ اس حوالے سے اہلیہ مسعود اختر کا کہنا ہے کہ بیٹے کی وفات کے بعد ڈپریشن کا شکار ہیں،کچھ دن سے کھانا پینا چھوڑ چکے ہیں۔  

خیال رہے کہ کچھ ماہ قبل مسعود اختر کے اکلوتے بیٹے علی رضا دل کا دورہ پڑنے سے انتقال کر گئے تھے۔

مسعود اختر نے 1960 کی دہائی میں فن کارانہ زندگی کا آغاز کیا اور فلموں ، ٹیلی وژن کے متعدد ڈراموں میں بھی کام کیا ۔

حکومت پاکستان نے انہیں 14 اگست 2005ء کو صدارتی تمغہ برائے حسن کارکردگی عطا کیا تھا جبکہ مسعود اختر دو مرتبہ پرائڈ آف پرفامنس ایوارڈ حاصل کرچکے ہیں ۔