کیچ میں 10 فوجی جوانوں کی شہادت کا سن کر دل بہت افسردہ ہے ، مریم نواز

سماجی رابطے کی ویب سائٹ ٹوئٹر پر ایک پیغام میں مسلم لیگ ن کی نائب صدر مریم نواز نے لکھا کہ کیچ میں 10 فوجی جوانوں کی شہادت کا سن کر دل بہت افسردہ ہے، وطن عزیز کی محبت میں جان قربان کردینے والے بہادر جوانوں اور ان کے خاندانوں کو ہم سب کا سلام۔

کیچ میں 10 فوجی جوانوں کی شہادت کا سن کر دل بہت افسردہ ہے، وطن عزیز کی محبت میں جان قربان کردینے والے بہادر جوانوں اور ان کے خاندانوں کو ہم سب کا سلام۔ اللّہ شہدا کو بہترین جزا عطا فرمائے اور ان کے پیاروں کو صبر جمیل دے۔ آمین ??

— Maryam Nawaz Sharif (@MaryamNSharif) January 28, 2022

مریم نواز نے مزید لکھا کہ اللہ شہدا کو بہترین جزا عطا فرمائے اور ان کے پیاروں کو صبر جمیل دے۔ 

واضح رہے کہ  دہشت گردوں نے بلوچستان کے علاقے کیچ میں سیکیورٹی فورسز کی چیک پوسٹ پر حملہ کیا، واقعہ پچیس اور چھبیس جنوری کی درمیانی رات پیش آیا تھا۔

ترجمان پاک فوج کا کہنا تھا کہ  دہشت گردوں کی فائرنگ سے دس سپاہی شہید ہوگئے جبکہ  تین دہشت گردوں کو آپریشن میں گرفتار کرلیا گیا ہے،  فائرنگ کے شدید تبادلے میں ایک دہشت گرد ہلاک کردیا گیا  جبکہ کئی زخمی ہوئے۔

آئی ایس پی آر کے مطابق کلیئرنس آپریشن ابھی تک جاری ہے، واقعہ کے ذمہ داروں کو انجام تک پہنچانے کے لئے آپریشن جاری رہے گا۔