Advertisement
پاکستان

پاکستان اور مراکش کے درمیان دفاعی تعاون سے متعلق مفاہمتی یادداشت پر دستخط

وزیر دفاع نے مراکشی ہم منصب کو پاکستانی فٹ بال کا تحفہ بھی پیش کیا اور ملاقاتوں سے قبل محمد پنجم کے مزار پر حاضری دی، مہمانوں کی کتاب پر دستخط بھی کیے

GNN Web Desk
شائع شدہ 10 ماہ قبل پر جنوری 13 2026، 8:50 شام
ویب ڈیسک کے ذریعے
پاکستان اور مراکش کے درمیان دفاعی تعاون سے متعلق مفاہمتی یادداشت پر دستخط

رباط:پاکستان اور مراکش کے درمیان دفاعی تعاون سے متعلق مفاہمتی یادداشت پر دستخط کرلیے گئے۔

تفصیلات کے مطابق وزیر دفاع خواجہ آصف نے مراکش کی نیشنل ڈیفنس ایڈمنسٹریشن کے سربراہ عبداللطیف لودی سے ملاقات کی جس میں باہمی دلچسپی کے شعبوں میں تعاون بڑھانے پر وفود کی سطح پر قیادت بھی کی گئی۔ 

انہوں نے مراکش کے امور خارجہ، افریقی تعاون کے وزیر ناصر بوریتا اور تارکین وطن سے بھی ملاقاتیں کیں۔

دوران ملاقات وفاقی وزیر دفاع خواجہ آصف نے مفاہمتی یادداشت پر دستخط کیے جو دفاعی، سیکیورٹی تعاون مزید مضبوط بنانے کے لیے اہم سنگ میل ہے۔

علاوہ ازیں وزیر دفاع نے مراکشی ہم منصب کو پاکستانی فٹ بال کا تحفہ بھی پیش کیا اور ملاقاتوں سے قبل محمد پنجم کے مزار پر حاضری دی، مہمانوں کی کتاب پر دستخط بھی کیے۔ 

پاکستان اور مراکش نے امن، استحکام، تعاون کے لیے مشترکہ عزم کا اعادہ کیا۔

Advertisement
رجحانات
Advertisement