ملک میں سونے کی قیمت میں اضافہ

تفصیلات کے مطابق  ملک بھر میں سونے کی فی تولہ قیمت 800 روپے اضافے کے بعد ایک لاکھ 3 ہزار آٹھ سو روپے ہوگئی ہے جبکہ فی 10 گرام سونا 687 روپے بڑھ کر 88992 روپے کا ہوگیا۔ عالمی مارکیٹ میں سونا 9 ڈالر کمی سے 1712 ڈالر فی اونس کا ہوگیا۔

دوسری جانب  انٹر بینک میں ڈالر 9 پیسے مہنگا ہوگیا ، فاریکس ڈیلرز کے مطابق   انٹر بینک میں ڈالر 157.04 سے بڑھ کر 157.13 روپے پر بند ہوا۔

پاکستان اسٹاک ایکسچینج  میں کاروبارکا اختتام،  کاروباری ہفتے کے تیسرے روز ملا جلا رجحان رہا۔انڈیکس میں اختتام پر 531 پوائنٹس کی کمی آئی۔جس کے بعد  انڈیکس میں 44 ہزار کی نفسیاتی حد آج گرگئی جبکہ انڈیکس 43 ہزار 691 پوائنٹس کی سطح پر بند ہوا۔