سندھ میں تعلیمی ادارے کھلے رہیں گے : وزیر تعلیم سعید غنی

تفصیلات کے مطابق وزیر تعلیم سندھ سعید غنی نے میڈیا سے گفتگو کرتے ہوئے کہا کہ سندھ میں 50 فیصد طلبائ بلانے کی پابندی عائد ہے  جبکہ سندھ بھر میں تعلیمی ادارے معمول کے مطابق کھلے رہیں گے ۔

دوسری جانب سعید غنی نے سینیٹ الیکشن کے حوالے سے کہا کہ حکومت ہر حال ہیں چیرمین سینیٹ کا الیکشن جیتنا چاہتی ہے۔ حکومت اپوزیشن کے ووٹ توڑنے کی کوشش کرے گی ۔ پی ٹی آئی کی نیت میں ہی شفافیت نہیں تھی وہ صرف ناراضگی سے بچنے کے لئے اوپن ووٹ کی بات کررہے تھے  ۔

سعید غنی نے مزید کہا کہ اسلام آباد ہائیکورٹ نے پی ٹی آئی کی  پٹیشن مسترد کردی ہے اور یہ پی ڈی ایم کی فتح ہے۔الیکشن کمیشن کو اختیارات حاصل ہیں اور پہلی بار یہ اختیارات استعمال ہوئے ہیں  جس پر وزیراعظم کو الیکشن کمیشن کو ان اقدامات پر شاباشی دینی چاہیئے تھی۔

وزیر تعلیم سعید غنی کا  کہنا تھا کہ وزیر اعظم  آئین و قانون سے فارغ ہیں، عبدالقادر کو بلوچستان میں کس نے ٹکٹ دیا؟ جی ڈی اے کے صدر الدین کو خود پی ٹی آئی نے ووٹ نہیں دیئے تو کیوں نہیں دیئے؟

سعید غنی نے حکومت سے سوال کیا کہ آپ نےاپنے سولہ لوگوں کو کیوں نہیں نکالا؟ مگر آپ نے این آر او دے کر ان سے اعتماد کا ووٹ لے لیا۔