یوسف رضا گیلانی کی نااہلی تک سکون سے نہیں بیٹھیں گے: فرخ حبیب

تفصیلات کے مطابق الیکشن کمیشن نے یوسف رضاگیلانی کی سینیٹ الیکشن میں کامیابی کا نوٹیفکیشن روکنے کی درخواست مسترد کردی ہے ۔ فیصلے کے بعد پی ٹی آئی رہنما فرخ حبیب نے میڈیا سے بات کرتے ہوئے  کہا   کہ اس فیصلے کو ہم نے ڈسکہ کے فیصلے کے تناظر سے دیکھنا ہے ، ہماری پہلی درخواست یوسف رضا گیلانی کی نااہلی کے حوالے سے ہے ، ہم نے الیکشن کمیشن کےسامنے اعتراضات رکھے ہیں ، الیکشن کمیشن نے تمام ویڈیوز دیکھیں ۔ انہوں نے کہا کہ  الیکشن کمیشن نے ہماری درخواست کو قابل سماعت قرار دیا تھا ،ثبوتوں کی بنیاد پر ان کو نوٹسز جاری کیے گئے ہیں ۔ فرخ حبیب نے  مزید کہاکہ  ہم سپریم کورٹ کی  آپشن پر بھی غور کررہے ہیں ۔ گیلانی کو چئیرمین سینیٹ کی سیٹ سے دستبردار ہونا پڑے گا ۔  پی ٹی آئی رہنما کنول شوذب کا کہنا تھا کہ12 مارچ کو  سینیٹ الیکشن ہے جبکہ 22 مارچ کو درخواست پر سماعت رکھی ہے ۔

واضح رہے کہ لیکشن کمیشن نے درخواست پر سماعت مکمل کیے جانے کے بعد محفوظ کیا گیا فیصلہ 3 بجے سنانے کا وقت مقررکیا تھا۔   یوسف رضا گیلانی اور علی حیدر گیلانی  کی نااہلی کی درخواستیں  قابل سماعت قرار دے کر سماعت 22مارچ تک ملتوی کردی ہیں ۔