امیتابھ کے باڈی گارڈ کی تنخواہ جان کر آپ بھی ہکا بکا رہ جائیں گے

بالی وڈ شہنشاہ امیتابھ بچن کے باڈی گارڈ اور بھارتی پولیس اہلکار جتندر شندے کو قوانین کی خلاف ورزی پر معطل کر دیا گیا۔

بھارتی میڈیا کے مطابق پولیس اہلکار جتندر شندے نے اگست 2021 تک امیتابھ بچن کے باڈی گارڈ کے فرائض سرانجام دیے۔

میڈیا رپورٹس میں بتایا گیا ہے کہ جتندر شندے کے خلاف اعلیٰ افسران کی جانب سے کارروائی کی جا رہی تھی جس کے بعد انہیں معطل کیے جانے کے احکامات سامنے آئے جس کی تصدیق خود جتندر شندے نے بھی کر دی ہے۔

لیکن کیا آپ جانتے ہیں کئی سال تک امیتابھ بچن کے باڈی گارڈ کی ذمہ داری نبھانے والے اہلکار جتندر شندے بالی وڈ اداکار سے کتنی تنخواہ وصول کرتے تھے؟

بھارتی میڈیا رپورٹ میں کیے گئے دعوے کے مطابق، امیتابھ بچن کے بطور محافظ جتندر شندے کی سالانہ آمدنی ڈیڑھ کروڑ بھارتی روپے ہے جو کہ بھارت کی کسی بھی کمپنی کے سی ای او کی تنخواہ سے بھی کہیں زیادہ ہے۔

رپورٹ کے مطابق جتندر شندے نے کئی سالوں تک امیتابھ بچن کے ذاتی محافظ کے طور پر فرائض سرانجام دیے یہی وجہ تھی کہ انھیں امیتابھ کے ساتھ غیر ملکی دوروں اور مختلف تقاریب میں بھی دیکھا جاتا رہا۔  ایک رپورٹ میں یہ بھی بتایا گیا ہے کہ جتندر شندے سے سکیورٹی سرانجام دینے کی خواہش خود امیتابھ بچن نے کی تھی۔