گلوکار جسٹن بیبر بھی کورونا کا شکار 

خبرایجنسی کے مطابق  کینیڈا کے پاپ اسٹار جسٹن بیبر نے کورونا ٹیسٹ  مثبت  آنے  کے بعد لاس ویگس میں ہونےوالا شو منسوخ کردیا۔ 

گلوکار نے جمعہ کے روز سے سان ڈیاگو میں جسٹس ورلڈ ٹور کا آغاز کیا تھا ، تاہم   اتوار کے روز بیبر کی جا نب سے اعلان کیا گیا کہ لاس ویگاس میں آج  ہونیوالا کنسرٹ ٹیم میں کورونا وائرس پھیلنے کی وجہ سے ملتوی کر دیا  گیا ہے ۔ 

27 سالہ گلوکار کوایک روز قبل ہی کورونا  مثبت آیا تاہم اپنی صحت کے حوالے سے انہوں نے بتایا کہ  وہ بہتر محسوس کررہے ہیں ، جسٹن یقیناً بہت مایوس ہیں ، لیکن ان کے عملے اور مداحوں کی صحت اور حفاظت ہمیشہ اس کی اولین ترجیح ہے۔ سان ڈیاگو میں ٹور کا آغاز ایک بڑی کامیابی تھی، اور جسٹن اس شاندار شو کو اپنے لاس ویگاس کے شائقین تک جلد از جلد لانے کے لیے پرجوش ہیں۔

تاحال یہ واضح نہیں ہے کہ جسٹن پہلی بار کب بیمار ہوئے  اور اس ہفتے ایریزونا اور لاس ویگاس  میں ان کے آنے والے شوز کو دوبارہ شیڈول کیا جائے گا۔  

خیال رہے کہ کینیڈین گلوکار جسٹن بیبر ’جسٹس ورلڈ ٹور‘ کرنے کا اعلان کیا تھا، اپنے اس ورلڈ ٹور سے دنیا میں تیزی سے رونما ہونے والی موسمیاتی تبدیلی اور کرمنل جسٹس کے قوانین میں اصلاحات کے بارے میں آگاہی کی مہم کا حصّہ بننے کا فیصلہ کیاتھا ۔

یاد رہے کہ ’جسٹس ورلڈ ٹور‘  کا آغاز  18 فروری سے سان ڈیاگو سے ہوا تھا۔

واضح رہے کہ گلوکار کا یہ ورلڈ ٹور 2020 میں شیڈول کیا گیا تھا جو عالمی وباء کورونا وائرس کی وجہ سے ملتوی کردیا گیا تھا۔