شاہد آفریدی کی شادی کی تصاویر انٹرنیٹ پر وائرل

تفصیلات کے مطابق بوم بوم اور لالا کے نام سے مشہور  پاکستانی کرکٹر شاہد خان آفریدی کی 20 سال پرانی تصاویر سماجی رابطے کی ویب سائٹ ٹوئٹر پر وائرل ہو گئی ہیں۔مداحوں کی جانب سے ان کی تصاویر کو خاصا سراہا جارہاہے ۔  

پاکستان کے اسپورٹس صحافی کی جانب سے ٹوئٹ کی گئی ان تصویروں کے  عنوان  میں  کہا گیا ہے  کہ شاہد خان آفریدی کی یہ تصاویر  سال 2000ء میں اُن کی شادی کے موقع پر لی گئی تھیں۔

Pictures taken in 2000 at the marriage ceremony of ⁦@SAfridiOfficial⁩ ⁦@ARazzaqPak⁩ , ⁦@wasimakramlive⁩ and ⁦@JavedMiandadpk⁩ are also seen, time flies pretty rapidly pic.twitter.com/Nkcm2L7Fhk

— Mirza Iqbal Baig (@mirzaiqbal80) March 11, 2021

شاہد آفریدی کی وائرل تصاویر میں دیکھا جا سکتا ہے کہ وہ سیاہ رنگ  میں ملبوس   دولہا بنے بیٹھے ہیں ، ان کی دونوں  تصاویر میں اُن کے ہمراہ سابق قومی کرکٹر عبدالرزاق ، وسیم اکرم اور جاوید میانداد بھی موجود ہیں ۔

اس سے قبل قومی کرکٹ ٹیم کے سابق کپتان شاہد آفریدی  نے  شادی کے 20 سال مکمل  ہونے پر  اہلیہ نادیہ شاہد کے ہمراہ خوبصورت تصویریں شیئر کی تھیں ۔

واضح رہے کہ کرکٹر شاہد آفریدی کی شادی نادیہ شاہد سے سال 2000 میں ہوئی تھی، ان کی پانچ بیٹیاں اقصیٰ، عنشہ، اجوا، اسمارہ اور عروہ ہیں۔