عالیہ بھٹ کا کورونا ٹیسٹ منفی آگیا

تفصیلات کے مطابق کورونا وائرس کا ٹیسٹ منفی آنے  کے بعد بالی ووڈ اداکارہ عالیہ بھٹ کی اپنے کام پر واپسی ہوگئی ہے ، رنبیر کپور  کا کورونا ٹیسٹ مثبت آنے کے بعد اداکارہ عالیہ بھٹ نے  بھی احتیاطی تدابیر اپناتے ہوئے عارضی قرنطینہ اختیار کرلیا تھا ،کیونکہ حالیہ دنوں میں دونوں نے کافی وقت ایک ساتھ گزارا تھا۔ تاہم حال ہی میں انہوں نے   فوٹو شیئرنگ ایپ انسٹاگرام پر اسٹوری شیئر کی ، جس میں  بالی ووڈ اداکارہ عالیہ بھٹ نے لکھا  کہ ’’ میں نے  کورونا وائرس کا ٹیسٹ کرویا تھا جس کی رپورٹ منفی آئی ہے میں نے کچھ وقت کے لیے خود کو قرنطینہ کیا تھا اور اب ڈاکٹرز کے مشورے کے بعد دوبارہ سے کام کا آغاز کردیا ہے‘‘۔

بالی وڈ اداکارہ نے دعاؤں اور نیک تمنائیں بھیجنے والے  اپنے تمام  مداحوں کا شکریہ  بھی ادا  کیا ۔  ا ن کاکہناتھا کہ میں آپ لوگوں کے پیغامات پڑھتی رہی، میری فکر کرنے کے لیے بے حد شکریہ، میں اب اپنا بہت خیال رکھ رہی ہوں اور آپ لوگوں سے بھی درخواست ہے کہ آپ بھی محفوظ رہیں۔اداکارہ نے چاہنے والوں کو سماجی فاصلہ اپنانے کی بھی  ہدایت کردی ۔

خیال رہے کہ  دوروز  قبل بالی ووڈ کے معروف ڈائریکٹر، پروڈیوسر، اسکرین رائٹر اور موسیقار سنجے لیلا بھنسالی اور رنبیر کپور  کا فلم"  گنگو بائی کوٹھے والی"  کے سیٹ پر لیا گیا کورونا وائرس ٹیسٹ  بھی مثبت آگیا   تھا جس کے بعد فلم کی شوٹنگ ملتوی کردی گئی۔  ڈائریکٹر سنجے لیلا بھنسالی کی اس فلم میں  رنبیر کپور  کے ہمراہ    عالیہ بھٹ بھی  مرکزی کردار ادا کررہی ہیں، اور یہ فلم اس سال 30 جولائی کو ریلیز ہوگی۔