روس  کا ہدف  صدرزیلنسکی کی حکومت ہٹا کر ماسکو نواز حکومت بنانا ہے، امریکی دفاعی حکام

غیر ملکی خبر رساں ادارے کے مطابق  امریکی دفاعی حکام کا کہنا ہے کہ  یوکرین پر روسی  فوج کا حملہ ابھی ابتدائی مرحلہ ہے، یوکرین پر بڑے پیمانے کے حملے کے ابھی کئی  مراحل ہیں، ابھی روسی فوج کا ہدف کیف  اور بڑے شہر ہیں، روس  کا ہدف کیف میں صدرزیلنسکی کی حکومت ہٹا کر ماسکو نواز حکومت بنانا ہے۔

 امریکی دفاعی حکام کے مطابق  روس نے حملے کے آغاز میں مختلف اقسام کے 100 سے زیادہ میزائل داغے، روس نے بحیرہ اسود سے بھی میزائل داغے ہیں ، بنیادی حملہ  شارٹ رینج بیلسٹک میزائل ، لیکن میڈیم رینج بیلسٹک میزائل اور کروز میزائل بھی داغے گئے ہیں۔

 امریکی دفاعی حکام کا کہنا ہے کہ  روس کی فضائیہ کے 75 ہیوی اور میڈیم رینج بمبار طیاروں نے حملوں میں حصہ لیا، روس نے ابھی تک یوکرین کی فوجی بیرکوں، اسلحہ گوداموں اور  دس ایئر فیلڈز پرایئرڈیفنس کو نشانہ بنایا ۔