سندھ رینجرز اور پولیس کی مشترکہ کارروائی ، 3 دہشت گرد گرفتار

تفصیلات کے مطابق   سندھ رینجرزاورپولیس نے اتحاد ٹاؤن میں مشترکہ کارروائی کرتے ہوئے   کالعدم تنظیم کے 3 دہشت گرد گرفتار کرلیے۔ گرفتارملزموں میں نورمحمدعرف ابودردہ عرف بیت اللہ،حیات اللہ ،خان بہادرعرف  قاری باسط شامل ہیں۔

ترجمان رینجرز سندھ کے مطابق   دہشت گردوں کے قبضے سے اسلحہ، اور بارودی مواد برآمد ہوا ہے،دہشتگرد فورسزپرکریکر حملوں اور بم دھماکوں میں ملوث ہیں،گرفتار دہشت گرد حال ہی میں افغانستان سے کراچی پہنچے تھے،دہشتگردوں نے2008میں کالعدم تحریک طالبان پاکستان مولوی فقیرمحمد گروپ میں شمولیت اختیارکی تھی۔

ترجمان رینجرز سندھ کا کہنا ہے کہ   2014میں کالعدم داعش میں شمولیت اختیار کرکے دہشت گردی کی متعدد کارروائیاں کیں، 2008میں خرکے باغ، باجوڑ ایجنسی اور عنایت قلعہ بازار میں فورسزپرمتعدد حملے کیے، 2012 میں چوگام میں آرمی اور ایف سی پر حملے کیے جس میں متعدد جوان شہید اور زخمی ہوئے تھے،2013میں سلارزئی باجوڑمیں متعدد بم دھماکےکروائے جس میں متعدد جوان شہید اورزخمی ہوئے تھے،ملزمان نےباجوڑ ایجنسی میں متعدد باردھماکےکروائے، جس میں درجنوں افراد شہید اورزخمی ہوئے  جبکہ گرفتار دہشتگردوں کو قانونی کارروائی کے لیے پولیس کے حوالےکردیا گیا ہے۔