ساتویں جماعت کا طالب علم حوالات میں پراسرار طور پر ہلاک

تفصیلات کے مطابق پشاورکے غربی پولیس اسٹیشن  کی حوالات میں  ساتویں جماعت کا طالب علم  پراسرار طورپر ہلاک ہوگیا۔پولیس کے مطابق  مقتول شاہ زیب نے حوالات میں گلے میں  پھندا ڈال کرجان دے دی۔ جبکہ  والد شاہ زیب کا کہنا ہے کہ  مقتول شاہ زیب ساتویں جماعت کا طالب علم تھا،15 سالہ شاہ زیب کو پولیس نے کیوں پکڑامعلوم نہیں،میرابیٹاحوالات میں کیسے مرا،پولیس بتائے۔

بریکنگ نیوز۔ ۔ ۔
پشاور کے غربی پولیس اسٹیشن کی حوالات میں ساتویں جماعت کا طالب علم پر اسرار طور پر ہلاک #GNN #Peshawar #GNNUpdates #BreakingNews pic.twitter.com/3iq11g0Nfi

— GNN (@gnnhdofficial) March 14, 2021

پولیس کا کہنا ہے کہ   مقتول شاہ زیب کو بازار میں جھگڑا کرنے پر گرفتار کیاگیا تھا، گرفتاری کے بعد شاہ زیب نے نامعلوم وجوہات پراپنے گلے میں پھندا ڈال کرخودکشی کی، واقعہ کی مکمل انکوائری کررہے ہیں۔

سی سی پی او عباس احسن،  ایس ایس پی آپریشنز یاسر آفریدی کا  پریس کانفرنس میں کہنا تھا کہ  اس واقع میں جو لوگ شامل ہونگے انصاف کے مطابق فیصلہ ہوگا۔سی سی پی او نے کہا کہ  مکمل تھانے کو معطل کیا ہے، جوڈیشل انکوائری کے لئے درخواست کی ہے، تھانے میں واقع کی فوٹیج موجود ہیں۔

 ترجمان خیبرپختونخوا حکومت  کامران بنگش کا کہنا ہے کہ تھانہ غربی میں دلخراش واقعہ پیش آیا، وزیر اعلیٰ خیبرپختونخوا نے جوڈیشل انکوائری کا حکم دیا ہے،متعلقہ پولیس اہلکاروں کے خلاف ایف آئی درج کرلی گئی ہے،پولیس اہلکاروں کے سخت سے سخت کاروائی ہوگی۔