پنجاب اسمبلی:تحریک انصاف کا 26منحرف اراکین کے خلاف ریفرنس بھیجنے کا فیصلہ

ریفرنس پنجاب اسمبلی میں تحریک انصاف کے چیف وہیپ عباس علی شاہ آج اسپیکر چودھری پرویز الہی کے حوالے کریں گے۔ 

اسپیکر پنجاب اسمبلی چودھری پرویز الہی ریفرنس کو منظور کرنے کے بعد الیکشن کمیشن کو بھجواٸیں گے۔ 

ذرائع کا کہنا ہے کہ الیکشن کمیشن ایک ماہ کے اندر اندر اس ریفرنس کا فیصلہ کرنے کا پابند ہے۔ 

فلورکراسنگ کی شق میں عبدالعلیم خان، اسد کھوکھر، نعمان لنگڑیال، سعید اکبر نوانی، فیصل جبوانہ، زوار وڑاٸچ، سلمان نعیم شیخ سمیت کٸی ممبران پنجاب اسمبلی کا مستقبل داؤ پر لگ گیا ہے۔ 

پنجاب اسمبلی میں چودھری نثار، احمد علی اولکھ، جگنو محسن، راجہ صغیر، قاسم لنگاہ، بلال اصغر وڑاٸچ آزاد رکن ہیں ان پر 63 اے لاگو نہیں ہوگا۔ 

یہ امکان ظاہر کیا جا رہا ہے کہ مسلم لیگ ن کی جانب سے 63 اے کی شق کی زد میں آنے والی اراکین پنجاب اسمبلی کو فی الحال کوٸی حکومتی عہدہ یا کابینہ میں شامل نہیں کیا جائے گا۔