نریندر مودی کا وزیر اعظم کیلئے نیک خواہشات کا اظہار

بھارتی وزیر اعظم  نریندر مودی نے وزیر اعظم عمران خان  کیلئے نیک خواہشات کا اظہار کیا ہے  ۔سماجی رابطے کی ویب سائٹ ٹوئٹر پر ایک پیغام میں بھارتی وزیر اعظم نریندر مودی نے کہا کہ  وزیر اعظم عمران خان کی کورونا سے جلد صحت یابی کیلئے دعاگو ہوں ۔

Best wishes to Prime Minister @ImranKhanPTI for a speedy recovery from COVID-19.

— Narendra Modi (@narendramodi) March 20, 2021

خیال رہے کہ  وزیر اعظم عمران خان کا کورونا ٹیسٹ مثبت آیا تھا جس کے بعد وزیر اعظم عمران خان نے خود کو گھر میں قرنطینہ کرلیا ہے۔

چنددن قبل  وزیراعظم عمران خان نے بھی کورونا ویکسین لگوائی تھی۔وزیر اعظم عمران خان نے قوم سے اپیل کرتے ہوئے کہا  تھا کہ  کورونا وبا کی تیسری لہر کے پیش نظر ایس اوپیز پر مکمل عمل درآمد کو یقینی بنایا جائے ،ملک بھر میں کورونا ویکسین لگانے کی مہم جاری ہے۔ وزیراعظم نے کہا کہ  پہلے مرحلے میں ساٹھ سال اور اس سے زائد عمر کے افراد اور فرنٹ لائن ورکرز کو کورونا ویکسین فراہم کی جارہی ہے۔