صوبہ سندھ میں پانی کے شدید بحران کا خدشہ

صوبائی وزیر آبپاشی جام خان شورو نے کہا کہ ارسا سسٹم میں پانی کی کمی کوجواز بناکرصوبہ سندھ کومقرر کردہ پانی کے حصے سے محروم کر رہا ہے۔

انہوں نے کہا کہ گزشتہ برس اپریل 2021ء میں صوبہ سندھ کو پانی معاہدے 1991ء کے تحت 22 فیصد کم پانی فراہم کیا گیا، پانی کی شدید قلت کے باعث ہزاروں ایکڑ اراضی پر کھڑی فصلوں کونقصان ہونے کا خدشہ ہے۔ 

میڈیا ذرائع کے مطابق جام خان شورو کا کہنا تھا کہ کراچی اور صوبہ سندھ کےدیگر شہروں میں پینے کے پانی کی فراہمی کا بحران پیدا ہوگا،ارسا 1991ء کے آبی معاہدے پر عملدرآمد نہیں کر رہا جس سے  صوبے میں شدید پانی بحران جنم لے رہاہے۔

انہوں نے کہا 1991ء کے آبی معاہدے کے تحت سندھ صوبے کوحصے کا فوری پانی فراہم کیا جائے تاکہ پانی بحران پر قابو پایا جا سکے۔