صدر مملکت کا عید الفطر کے موقع پر قوم کے نام پیغام

عید کے دن کے حوالے سے صدر مملکت عارف علوی نے کہا کہ عید کی حقیقی خوشی تب ہی مل سکتی ہے جب ہم دوسروں کو بھی اپنی خوشیوں میں شریک کریں۔

صدر مملکت نے اپنے بیان میں کہا کہ دعا ہے اللہ اس مبارک دن کو پاکستانیوں اور عالم اسلام کے لیے خوشیوں کا سبب بنائے، اللہ ہمیں ملکی سالمیت و استحکام کے لیے اپنا کردار ادا کرنے کی توفیق عطا فرمائے۔

ذرائع کے مطابق صدر مملکت ڈاکٹر عارف علوی نماز عید اسلام آباد میں ادا کریں گے، وہ ایام عید کے دوران کراچی میں مختلف سماجی تقاریب میں شریک ہوں گے۔