ملک میں گرمی کی شدت میں کمی کا امکان

تفصیلات کے مطابق محکمہ موسمیات نے عید کے موقع پر کراچی سے خیبر تک موسم کی تبدیلی کی پیش گوئی کر دی ہے۔

بلوچستان،جنوبی پنجاب اوربالائی سندھ میں چند مقامات پرہلکی بارش کا امکان، کراچی سمیت ساحلی علاقوں میں تیزہواؤں کا راج رہےگا، شمالی علاقہ جات اور بالائی خیبرپختونخوا میں بھی موسم ابرآلود رہے گا۔

محکمہ موسمیات کے مطابق عید کے دنوں میں زیادہ ترعلاقوں میں ٹھنڈی ہواؤں اور بارش کا امکان جبکہ آئندہ 24 گھنٹوں کےدوران بیشتر علاقوں میں موسم خشک اور گرم رہے گا۔

بتایا گیا ہے کہ ملک کے میدانی علاقے شدید گرمی کی لپیٹ میں ہیں اور شمالی بلوچستان،جنوبی پنجاب اوربالائی سندھ میں گردآلودہواؤں کا راج ہے۔