19 سالہ پاکستانی کوہ پیما کا ماؤنٹ ایورسٹ پر سبز ہلالی پرچم لہرانے کا اعلان

تفصیلات کے مطابق کو ہ پیما شہروز کاشف  نے19 سال کی عمر میں  سبز ہلالی پرچم  ماؤنٹ ایورسٹ پر لہرانے کا اعلان  کردیا۔  19سالہ پاکستانی کوہ پیما شہروز کاشف  کی  ماؤنٹ ایورسٹ سر کرنے  کی خواہش۔  کہتے ہیں وہ  علی سدپارہ کی میراث کو آگے لیکر چلیں گے ۔ جو کام علی سدپارہ نہیں کر سکے  اسے کرنے کی کوشش کر وں گا ۔

لاہورمیں شہروز کاشف نےپریس کانفرنس کرتے ہوئے کہا ملک میں پانچ   بڑےپہاڑ موجود ہیں مگر بدقسمتی سے 72 سالوں سے اس طرف توجہ نہیں دی گئی۔  انہوں نےحکومت سے  کوہ پیمائی کے فروغ کیلئے تعاون نہ کرنے کا شکوہ بھی کیا۔

نوجوان کوہ پیما کا کہنا تھا  وہ ماؤنٹ ایورسٹ سمیت دنیا کی تمام بڑی چوٹیاں سر کر کے علی سدپارہ  کا خواب پورا کریں گے۔