برطانوی ہائی کمشنر کرسٹن ٹرنر اور رمیز راجا کی قذافی اسٹیڈیم میں ملاقات

تفصیلات کے مطابق برطانوی ہائی کمشنر کرسٹن ٹرنر سے  ملاقات میں انگلش ٹیم کے دورہ پاکستان پر تبادلہ خیال کیا گیا ۔ چیئرمین پی سی بی رمیز راجا کا کہنا تھا کہ انگلینڈ کرکٹ ٹیم نے رواں سال دو مرتبہ پاکستان کا دورہ کرنا ہے اور ہم اس سیریز  کی میزبانی کے لیے پرجوش ہیں۔

ان کا کہنا تھا  کہ انگلش فینز اور کرکٹ ماہرین دونوں ٹیموں کے مابین سنسنی خیز کرکٹ دیکھنے پاکستان آنا چاہتے ہیں۔

اس موقع پر برطانوی ہائی کمشنر کرسٹن ٹرنر کا  کہنا تھا کہ ہم دونوں ممالک کے درمیان 75 سالہ دوستی کا بھی جشن منارہے ہیں ،  کرکٹ ہمارے خون میں ہے ،  یہ کھیل دونوں ممالک کو جوڑتا ہے۔ 

واضح رہے کہ انگلینڈ کرکٹ ٹیم رواں برس ستمبر میں 7 ٹی ٹوئنٹی میچز اور نومبر تا دسمبر  تین ٹیسٹ میچز کھیلنے کیلئے پاکستان کا دورہ کرے گی ۔