امریکی صدر بائیڈن کے دورہ سعودی عرب کا شیڈول جاری

تفصیلات کے مطابق وائٹ ہاؤس کی جانب سے منگل کو اعلان کیا گیا کہ صدر جو بائیڈن بطور امریکی صدر سعودی عرب، اسرائیل اور مغربی کنارے کا اگلے ماہ کی 13 سے 16 تاریخ کے درمیان دورہ کریں گے۔

وائیٹ ہاؤس کی پریس سیکرٹری کے مطابق اپنے دورے کے دوران صدر بائیڈن گلف کوآپریشن کونسل (جی سی سی) کے سمٹ میں بھی شرکت کریں گے۔

مزید برآں امریکی صدر خطے میں موجودگی کے دوران امریکی سلامتی، اقتصادی اور سفارتی مفادات کو آگے بڑھانے کے لیے ایک درجن سے زائد علاقائی رہنماؤں سے ملاقاتیں کریں گے۔

دوسری جانب سعودی حکام نے بھی بائیڈن کے دورے کی تصدیق کرتے ہوئے کہا ہے کہ امریکی صدر بائیڈن شاہ سلمان کی دعوت پر 15 اور 16 جولائی کو سعودی عرب کا دورہ کریں گے۔

سعودی میڈیا کے مطابق صدر بائیڈن اپنے دورہ سعودی عرب کے دوران شاہ سلمان بن عبدالعزیز اور ولی عہد شہزادہ محمد بن سلمان سے ملاقات کریں گے۔