حکومت نے مہنگائی کا نیا نام مشکل فیصلے رکھ دیا ہے:اسد عمر

اسلام آباد میں میڈیا سے گفتگو میں اسد عمر نے کہا کہ حکومت آئی ایم ایف کا نام لے کر مزید مہنگائی کرنے جا رہی ہے، حکومت نے مہنگائی کا نیا نام مشکل فیصلے رکھ دیا ہے،

انہوں نے کہا کہ بجلی کی فی یونٹ قیمت 13 روپے بڑھنے جا رہی ہے،مفتاح اسماعیل کہتے تھے حکومت آئی تو بجلی 12 روپے فی یونٹ کے حساب سے دیں گے۔

اسد عمر نے کہا کہ ہمارے دور میں ملکی معیشت 6 فیصد سے بڑھ رہی تھی، اب ملک میں تعمیرات کا شعبہ بند ہو گیا ہے، سرمایہ کار جانتا ہے کہ موجودہ حکومت پائیدار نہیں ہے۔

احسن اقبال کی قوم سے چائے کم کرنے کی اپیل پر اسد عمر نے کہا کہ احسن اقبال کے چائے سے متعلق بیان پر مجھے خواجہ آصف کا جملہ یاد آ گیا "کوئی شرم ہوتی ہے، کوئی حیا ہوتی ہے"۔