نئی دلی میں اسرائیلی سفارتخانہ کےقریب دھماکا

غیر ملکی خبر ایجنسی کے مطابق  بھارتی دارالحکومت نئی دلی میں اسرائیلی سفارتخانہ کےقریب دھماکا ہوا ہے اور دھماکےمیں 3گاڑیوں کونقصان پہنچا ہے ،دھماکے سے عمارت کے شیشے سلامت رہے تاہم 3گاڑیوں کے شیشے ٹوٹے ہیں، دھماکے میں کسی کے زخمی ہونے کی اطلاع نہیں۔

نئی دلی پولیس کےمطابق اے پی جے عبداکلام روڈ پر دھماکہ پانچ بج کر پانچ منٹ پر ہوا، نئی دہلی میں اسرائیلی سفارتخانے کے قریب ہونے والا دھماکا کم شدت کا تھا جس میں کوئی جانی نقصان نہیں ہوا،بارودی موادفٹ پاتھ کے نیچے چھپایا گیا تھا،ابتدائی تفتیش سے لگتا ہے کسی نے سنسنی پھیلانے کی بھونڈی کوشش کی۔