مہنگائی شرح میں اضافہ،ہفتہ وار رپورٹ جاری

ادارہ شماریات کی جانب سے جاری کی گئی مہنگائی کی ہفتہ وار رپورٹ کے مطابق  ایک ہفتے کے دوران 18 اشیائے خورد و نوش کی قیمتوں میں اضافہ ریکارڈ کیا گیا، زندہ مرغی کی فی کلو قیمت میں 26 روپے 73 پیسے کا اضافہ ہوا جبکہ مصالحہ جات کی قیمتوں میں 30 روپے تک کا اضافہ ریکارڈ کیا گیا ہے،برانڈڈ خوردنی تیل 5 لیٹر کی قیمت میں 57 روپے کا اضافہ ہوا جبکہ اڑھائی کلو برانڈڈ گھی کی قیمت میں 25 روپے تک اضافہ ہوا،لہسن، دال ماش، دال مسور، چاول، جلانے کی لکڑی اور گڑ بھی مہنگے ہوئے۔

ادارہ شماریات نے مزید کہا کہ حالیہ ہفتے میں 9اشیاء ضروریہ کی قیمتوں میں کمی اور 24 کی قیمتوں میں استحکام رہا،ٹماٹر کی فی کلو قیمت میں 20 روپے سے زائد کی کمی آئی جبکہ انڈے فی درجن 13 روپے سے زائد تک سستے ہوئے،پیاز، چینی، آٹا، کیلے اور آلو کی قیمتوں میں بھی کمی آئی۔