ملائیشیا میں روکا گیا پی آئی اے کا طیارہ واپس پاکستان پہنچ گیا

تفصیلات کے مطابق ملائیشیاءمیں روکے گئے پاکستان انٹر نیشنل ایئر لائنز (پی آئی اے ) کے طیارہ کو  دو روز قبل پاکستان کے حوالے کر دیا گیا تھا اور لیزنگ معاملہ حل ہونے پر طیارہ کولالمپور میں پی آئی اے کے حوالے کیا گیا تھا،پی آئی اے کے طیارے کو اسلام آباد واپس لانے کیلئے عملہ ملائیشیاءبھیجا گیا تھا جو کہ پرواز کو کمرشل استعمال کرتے ہوئے آج شام اسلام آباد پہنچا،طیارے پر 173 مسافر ملائیشیا سے اسلام آباد پہنچے۔

خیال رہے  کہ پی آئی اے اور لیزنگ کمپنی کے درمیان معاملات طے پاگئے تھے جس کے بعد باہمی رضامندی سے ملائیشین عدالت میں درج کیس خارج کر دیا گیا تھا اور پاکستان کو طیارہ واپس لے جانے کی اجازت دے دی گئی تھی۔

واضح رہے کہ 15 جنوری کو ملائیشیا میں پاکستان کی قومی ایئرلائن پی آئی اے طیارہ بوئنگ 777 ضبط کر لیا گیا تھا اور ترجمان پی آئی اے نے کہا تھا کہ برطانوی عدالت میں پی آئی اے اور ایک پارٹی کا کیس زیر التوا ہے۔