حکومت پنجاب کے وزیر اویس لغاری وزارت سے مستعفی

لاہور: حکومت پنجاب کے وزیر سردار اویس لغاری نے وزارت سے استعفیٰ دے دیا ہے۔

تفصلات کے مطابق سردار اویس لغاری نے وزیراعلیٰ پنجاب حمزہ شہباز کو اپنا استعفیٰ بھیج دیا ہے۔ اویس لغاری نے وزیراعلیٰ پنجاب کو بھیجے جانے والے استعفے میں مؤقف اختیار کیا ہے کہ وہ ذاتی وجوہات کی بنا پر مستعفی ہو رہے ہیں۔

واضح رہے کہ اویس لغاری نے موجودہ صوبائی حکومت کا تیار کردہ آئندہ مالی سال کا بجٹ بحیثیت وزیر خزانہ پیش کیا تھا۔

یاد رہے کہ تین دن قبل ن لیگ سے تعلق رکھنے والے وزرا سردار ایاز صادق اور خواجہ سلمان رفیق نے بھی اپنی وزارتوں سے استعفیٰ دے دیا تھا۔