پنجاب اور خیبر پختونخوا کے صارفین کیلئے بھی گیس مہنگی

ترجمان کے مطابق سوئی سدرن نے  گیس کی قیمتوں میں اضافے سے متعلق درخواست آئل اینڈ گیس ریگولیٹری اتھارٹی(اوگرا) کو دی تھی جس پر اوگرا نے سوئی ناردن گیس کمپنی کے صارفین کیلئے فیصلہ جاری کردیا ہے اور آئل اینڈ گیس ریگولیٹری اتھارٹی(اوگرا)نے  پنجاب اور خیبر پختونخوا کے صارفین کیلئے گیس مہنگی کر دی اور گیس کی قیمتوں میں 315 روپے 60 پیسے فی ایم ایم بی ٹی یو اضافے کی منظوری دی گئی ہے۔ اضافے کے بعد نئی اوسط قیمت 881 روپے 40 پیسے فی ایم ایم بی ٹی یو مقرر ہو گئی ہے جبکہ گیس کی پرانی اوسط قیمت 565 روپے 81 پیسے فی ایم ایم بی ٹی یو تھی۔

حکام نے مزید کہا کہ گیس کی قیمتوں میں اضافے سے صارفین پر 233 ارب روپے کا بوجھ پڑے گا اور گیس کی قیمتوں میں اضافے کا اطلاق نوٹیفکیشن جاری کئے جانے کے بعد ہوگا۔

واضح رہے کہ  گذشتہ روز سندھ اور بلوچستان کے صارفین کیلئے گیس کی قیمتوں میں اضافے کی منظوری دی گئی تھی اور آئل اینڈ گیس ریگولیٹری اتھارٹی(اوگرا)نے  گیس کی قیمتوں میں 39 روپے 89 پیسہ فی ایم ایم بی ٹی یو اضافے کی منظوری دی تھی،جس  کے بعد گیس کی اوسط قیمت 778 روپے 59 روپے فی ایم ایم بی ٹی یو مقرر کی گئی تھی۔