کراچی: تمام بازار رات 9 بجے بند کرنے کا حکم

محکمہ داخلہ کے اس نوٹیفکیشن کے مطابق تمام بازار، تجارتی مراکز، شاپنگ سینٹرز، سپر اسٹورز رات 9 بجے بند کرنے کا حکم جاری کردیا گیا ہے۔

نوٹیفکیشن میں کہا گیا کہ شادی ہالز، بینکوئٹس اور تقاریب ساڑھے 10 بجے تک ختم کرنی ہوں گی۔

اسی طرح ریسٹورنٹس، کافی شاپس، ہیلتھ سینٹرز، کلبز، جم، سنیما تھیٹر ساڑھے 11 تک بند ہوں گے۔

نوٹیفکیشن کے مطابق بل بورڈز اور دیگر اشتہارات کی لائٹس بھی رات 9 بجے تک بند کرنی ہوں گی۔

خیال رہے کہ عیدالاضحیٰ کے موقع پر کاروباری وقت سے متعلق جاری کیا گیا گزشتہ نوٹیفکیشن 3 جولائی کو عارضی طور پر معطل کیا گیا تھا۔