این سی او سی نے محرم الحرام کیلئے  ایس او پیز جاری کر دیے

این سی اوسی کے مطابق  محرم الحرام میں کورونا سے بچاو کے لئے ایس او پیز پر عملدرآمد کیا جائے ، مجلس اور جلوس کے دوران ماسک پہننے اور سینی ٹائزر کے استعمال ضروری ہے جبکہ مجالس میں شریک ہونے کے لیے ویکسینیٹڈ ہونالازمی ہے۔ 

این سی اوسی کا کہنا ہے کہ محرم الحرام میں   مجلس کے انعقاد کا مقام کھلا اور کشادہ ہونا چاہیے  ور وینٹیلیشن کے مناسب انتظامات ہوں ۔

این سی اوسی نے ہدایت کی ہے کہ   مجالس اور جلوسوں کے دوران ماسک پہننا اور سماجی فاصلہ برقرار رکھا جائے  جبکہ 65 سال کے بزرگ حضرات اور بچے گھر سے مجلس سنیں۔ 

این سی او سی  کے مطابق کورونا ایس او پیز کے ہدایت نامے ہر مجلس میں جاری کرنا لازم ہے۔ 

واضح رہے کہ ملک میں گزشتہ 24 گھنٹوں کے دوران کورونا وائرس  کے مثبت کیسز کی شرح میں ایک بار پھر اضافہ دیکھنے میں آیا ہے ۔