ہالی وڈ اداکارہ شونکا ڈوکورہ  44 برس کی عمر میں انتقال کرگئیں

ہالی وڈ گلوکارہ و اداکارہ  شونکا ڈوکورہ حال ہی میں نئی فلم " ایلوس " میں جلوہ گر ہوئی تھیں ، وہ جمعرات کو اپنے گھر کے  بیڈ روم میں مردہ پائی گئیں۔ 

پولیس کے مطابق  شونکا ڈوکورہ کے گھر میں موجود بیٹے  نے حالت غیر دیکھنے پر مدد کے لیے ایک پڑوسی کوبلایا ۔ پڑوسی نے  911 پر کال کر کے مدد طلب کی ۔ 

ابتدائی طور پر پولیس  کو اداکارہ کے قتل کا  شبہ نہیں ، تاہم  پوسٹ مارٹم کے نتائج  آنا ابھی باقی ہیں ۔ 

اداکارہ شمالی کیرولائنا میں پیدا ہوئیں، شونکا ڈوکورہ نے فلم ایلوس میں بلیوز گلوکار بگ ماما تھورنٹن کا کردار ادا کیا۔  

فلم " ایلوس پریسلے بائیوپک، رواں برس  جون میں دنیا بھر میں ریلیز ہوئی تھی۔

اداکارہ، جس نے اس سال دوجا کیٹ کے ساتھ کوچیلا میں اسٹیج شیئر کیا تھا، انہوں نے تھیٹر میں بیچلر ڈگری کے ساتھ گریجویشن جبکہ  Trevecca Nazarene یونیورسٹی  سے ماسٹر ڈگری  بھی حاصل کی۔

2022 میں ریلیز ہونیوالی اس فلم  میں ڈوکورہ نے معروف ہالی وڈ اداکار  آسٹن بٹلر  اور ٹام ہینکس   کے ساتھ کام کیا ہے ۔ 

وہ اداکاری کے ساتھ گلوکاری کے شعبے میں بھی شہرت رکھتی تھیں ،  شونکا ڈوکورہ نک کیو، مائیک فارس، پیٹ راک، سموک ڈیزا اور بہاماس جیسے فنکاروں کے ساتھ پرفارمنس  دے چکی ہیں ۔