ثناء فخر کا شادی کے14 سال بعد شوہر سے علیحدگی کا اعلان

تفصیلات کے مطابق اداکارہ ثناء نے فوٹو اینڈ ویڈیو شیئرنگ ایپ انسٹاگرام پر مداحوں کو ایک مختصر نوٹ میں اس خبر سے آگاہ کیا ہے۔  

اُنہوں نے اپنے مختصر نوٹ  میں لکھا کہ رشتے ٹوٹنے سے تکلیف ہوتی ہے لیکن کبھی کبھی خود کو زیادہ ٹوٹنے سے بچانے کے لیے کسی رشتے کو توڑنا لازمی ہوتا ہے ، میں نے اور فخر نے بہت احترام کے ساتھ شادی کے کئی سالوں کے بعد بہت سے نشیب و فراز سے گزر کر اپنا اپنا الگ راستہ اختیار کرنے کا فیصلہ کیا ہے ۔

اداکارہ نے مزید لکھا کہ یہ ایک مشکل فیصلہ ہے لیکن مجھے پختہ یقین ہے کہ اللّٰہ نے مستقبل میں ہم دونوں کے لیے بہتر منصوبہ رکھا ہوگا ۔

ثناء نے اپنی پوسٹ کے آخر میں اپنے سابق شوہر کے مستقبل کے لیے  نیک تمناؤں کا اظہار بھی کیا۔

 

 

 

 

 

View this post on Instagram

 

 

 

 

 

 

 

 

 

 

 

A post shared by SANA (@sana_fakhar)

واضح رہے کہ اداکارہ  ثنا نے سنہ 1997 میں سید نور کی فلم ’سنگم‘ سے اپنے فلمی سفر کا آغاز کیا تھا۔ انہوں نے ’گھر کب آؤ گے‘، ’یہ دل آپ کا ہوا‘، ’دل پردیسی ہو گیا‘، ’چوڑیاں‘، ’کیوں تم سے اتنا پیار ہے‘، ’جیک پوٹ‘، ’رونگ نمبر 2‘ اور ’جنت کی تلاش‘ جیسی فلموں میں ادکاری کے جوہر دکھائے ہیں۔

اداکارہ  نے اپنے کیریئر کے انتہائی عروج پر 2008ء میں فخر سے شادی کی تھی۔ ثناء اور فخر دو بیٹوں کے والدین بھی ہیں اور اس جوڑے کا شمار ابھی تک فلمی برادری کے سب سے مستحکم شادی شدہ جوڑوں میں ہوتا تھا۔