پیپلزپارٹی سی ای سی اجلاس، بلاول بھٹو نےپی ڈی ایم کے شوکاز نوٹس کو پھاڑ کر پھینک دیا

تفصیلات کے مطابق  پاکستان پیپلزپارٹی کی سینٹرل ایگزیکٹو کمیٹی  ( سی ای سی)  میں پی ڈی ایم کے شوکاز نوٹس کا معاملہ زیربحث آیا۔ذرائع کے مطابق  بلاول بھٹو نے سینٹرل ایگزیکٹو کمیٹی کے اجلاس کے شرکاء کو شاہد خاقان عباسی کا شوکاز نوٹس پڑھ کر سنایا،چیئرمین پیپلزپارٹی  و پی پی رہنما  بلاول بھٹو نے سی ای سی اجلاس میں شاہد خاقان عباسی کے شوکاز نوٹس کو پھاڑ کر پھینک دیا۔

ذرائع کے مطابق  بلاول بھٹو کی جانب سے شوکاز نوٹس پھاڑے جانے پر سی ای سی کے شرکاء کی جانب سے تالیاں بجائیں گئیں ۔

چیئرمین پیپلزپارٹی بلاول بھٹو نے کہا کہ ہم سیاست عزت کے لئے کرتے ہیں، عزت سے بڑھ کر کچھ نہیں ہے۔

واضح رہے کہ سینیٹ میں اپوزیشن لیڈر کے معاملے  پر پاکستان ڈیموکریٹک موومنٹ ( پی ڈی ایم)  نے پیپلز پارٹی اور اے این پی کو شوکاز نوٹس جاری کردیے تھے۔ سینیٹ میں اپوزیشن کے دو علیحدہ علیحدہ اجلاس منعقد ہوئے تھے۔   پاکستان  مسلم لیگ ن، جے یو آئی، پی کے میپ، نیشنل پارٹی اور بی این پی مینگل کے سینیٹرز شریک ہوئے۔ شاہد خاقان عباسی، مشاہد حسین سید، مولانا عبدالغفور حیدری، طاہر بزنجو کے علاوہ مصدق ملک، کامران مرتضی، مولانا عطاالرحمٰن سمیت دیگر نے شرکت کی تھی ۔ پی ڈی ایم کے سیکریٹری جنرل ومسلم لیگ ن کے رہنما  شاہد خاقان عباسی نے کہا کہ شوکاز نوٹسز جاری کرکے پیپلز پارٹی سے جواب مانگا ہے کہ آپ نے حکومتی ارکان کا ووٹ کیوں حاصل کیا۔