ویکسین 100فیصد کورونا سے نہیں بچاتی: ڈاکٹر فیصل

تفصیلات کے مطابق  ڈاکٹر فیصل سلطان نے کہا کہ ملک کے بڑے شہروں میں ایس او پیز پر عمل نہیں کیا جا رہا اور شہری ماسک کا استعمال بالکل نہیں کر رہے۔انہوں نے کہا کہ پابندیوں کے باوجود ہوٹل بھی کھلے ہیں اور ٹرانسپورٹ بھی۔

ایس او پیز پر عمل کر کے کورونا سے بچا جا سکتا ہے لیکن عوام کرونا سے بچنے کے لئے سنجیدہ نہیں ہے۔ملک میں انتہائی نگہداشت کے مریضوں کی تعداد بڑھ رہی ہے جبکہ کورونا کے 4200 سے زائد مریضوں کی حالت تشویشناک ہے۔ کرونا کی تیسری لہر سے نمٹنے کے لئے ایس او پیز پر عمل کرنا ضروری ہے۔

انہوں نے کہا کہ جون میں جب بیماری زور پر تھی تو 3300 کیسز تھے، اب ہیلتھ ورکرز پر پریشر زیادہ ہے، تشویشناک حالت والے مریضوں کی تعداد بڑھ رہی ہے ۔