وفاقی حکومت سیلاب متاثرین سے متعلق اپنے وعدے پورے کرے ورنہ وزارتیں رکھنا مشکل ہوجائے گا :بلاول زرداری

بلاول بھٹو زرداری نے کہا کہ سیلاب متاثرین کی بحالی کا معاملہ وزیر اعظم سے ملاقات میں زیر بحث آئے گا جبکہ اس حوالے سے قومی اسمبلی میں بھی آواز اٹھائی جائے گی ۔

ان کا کہنا تھا کہ ایک سیاسی چوہا زمان پارک میں چھپ کر بیٹھ گیا ہے ، چوہے کے پاؤں میں درد ہے جس کی وجہ سے وہ ادھر ادھر بھاگ رہا ہے ،ہمارا مقابلہ کسی کٹھ پتلی جماعت سے نہیں ہے ، ہمیں اپنی توجہ سیاسی چوہے کی بجائے عوامی خدمت پر مرکوز کرنی ہے۔ 

انہوں نے کہا کہ پیپلزپارٹی ایک نظریاتی جماعت ہے، ہماری کسی سے دشمنی نہیں ہے اور نہ ہی ہم کسی کی مخالفت کے لیے سیاست کرتے ہیں ، ہم خدمت کی سیاست کرتے ہیں اور آئندہ بھی کرتے رہیں گے۔