عمران خان کی گرفتاری سے اس کی مقبولیت میں مزید اضافہ ہو گا،شیخ رشید

عوامی مسلم لیگ کے سربراہ شیخ رشید احمد نے کہا ہے کہ شہباز شریف 72 گھنٹے میں اسمبلی توڑیں، سپریم کورٹ کا فیصلہ سارے ججز کا فیصلہ ہے۔

زمان پارک لاہور میں عمران خان  سے ملاقات کے بعد میڈیا سے گفتگو کرتے ہوئے شیخ رشید نے کہا کہ عمران خان سے آدھا گھنٹہ ملاقات جاری رہی، میں عمران خان کے مشکل وقت کا ساتھی ہوں۔

انہوں نے کہا کہ وہ بیوقوف اور پاگل ہوگا جو عمران خان کو گرفتارکرے گا، اس سے عمران خان کی مقبولیت میں مزید اضافہ ہوگا، قومی و صوبائی اسمبلی کے الیکشن اکٹھے ہونے چاہئیں۔

شیخ رشید نے کہا عمران خان بدھ کو عظیم الشان ریلی نکالیں گے، پی ٹی آئی کی لاہور ریلی میں شرکت کروں گا، حکومت نے ملکی معیشت کو تباہ کردیا ہے۔

سابق وفاقی وزیر داخلہ شیخ رشید نے کہا عمران خان اور میری خواہش ہے پورے ملک میں انتخابات ہوں، سکندر سلطان راجہ الیکشن کا شیڈول جاری کریں۔