پی ڈی ایم کی جماعتیں ذہنی طور پر شکست تسلیم کر چکی ہی،شیخ رشید

سربراہ عوامی مسلم لیگ اور سابق وزیر داخلہ شیخ رشید نے کہا ہے کہ پی ڈی ایم کی پارٹیاں اپنے اپنے انتخابی نشان پر الیکشن لڑنے جا رہی ہیں، یہ ذہنی طور پر شکست تسلیم کر چکے ہیں اور الیکشن میں رکاوٹ پیدا کرنا چاہتے ہیں۔

اپنے ٹویٹ میں شیخ رشید نے کہا کہ کل عمران خان لاہور میں اپنی انتخابی مہم کا آغاز کریں گے، میں بھی ان کے ہمراہ ہوں گا، ملک الیکشن کی طرف جا رہا ہے، ہوسکتا ہے صوبے اور مرکز کے الیکشن اکٹھے ہو جائیں۔

پی ڈی ایم کی پارٹیاں اپنےاپنےانتخابی نشان پرالیکشن لڑنےجارہی ہیں۔یہ ذہنی طورپرشکست تسلیم کرچکےہیں اورالیکشن میں رکاوٹ پیداکرناچاہتے ہیں۔کل عمران خان لاہورمیں اپنی انتخابی مہم کاآغاز کریں گےمیں بھی ان کےہمراہ ہونگاملک الیکشن کی طرف جارہاہےہوسکتاہے صوبےاورمرکز کےالیکشن اکٹھےہوجائیں

— Sheikh Rashid Ahmed (@ShkhRasheed) March 7, 2023

شیخ رشید نے کہا کہ خیبر پختونخوا کے گورنر کو فضل الرحمان کی رشتہ داری سے زیادہ آئین اور قانون کی طرف دیکھنا ہوگا، سپریم کورٹ نے واضح طور پر الیکشن کمیشن اور خیبر پختونخوا کے گورنر کو الیکشن کی تاریخ دینے کا کہا ہے۔

سابق وزیر داخلہ کا مزید کہنا تھا کہ عمران خان کی گرفتاری سیاسی طور پر اسے مزید مضبوط اور مقبول بنا دے گی، ملک کے حالات سنگین اور گھمبیر ہوتے جا رہے ہیں، الیکشن ہی واحد حل ہے۔