دنیا کو اس وقت دہشتگردی، جنگ اور نفرت کا سامنا ہے،بلاول بھٹو 

نیویارک: وفاقی وزیر خارجہ بلاول بھٹو کا اقوام متحدہ کے زیراہتمام بحث و مباحثے میں خطاب کرتے ہوئے کہا کہ دنیا کو اس وقت دہشتگردی، جنگ اور نفرت کا سامنا ہے۔

انہوں نے کہا کہ عالمی تنازعات اور جنگوں میں عام شہری نشانہ بن رہے ہیں اور خواتین اور بچیاں جنگوں سے براہ راست متاثر ہو رہی ہیں۔

پاکستان پیپلزپارٹی (پی پی پی) کے چیئرمین نے مباحثے کے شرکا سے کہا کہ عراق، یوکرین اور افغانستان میں خواتین متاثر ہورہی ہیں،افغانستان میں خواتین کی تعلیم، صحت اور تحفظ کیلئے کام کرنا ہوگا۔

انہوں نے کہا کہ جموں کشمیر میں بھارت خواتین کو نشانہ بنا رہا ہے، ہم سب نے مل کر خواتین کیخلاف جرائم کو روکنا ہے،پاکستان خواتین کو با اختیار بنانے کیلئے کردار ادار کرتا رہے گا۔